O AUTO DO CASTROMIL

Viaxe onírica abordo dun coche de liña pola Galiza inconsciente. Os/as viaxeiros/as dormen e talvez o condutor. As maletas e demais bagaxes cobran vida e combaten a nosa amnesia conxénita usando autos populares e farsas de Manuel María. Nelas aparece a historia alucinada dun pobo que loita, é derrotado, volve levantar a cabeza e rebelarse de novo. Unha rebelión na que, ás veces, non temos máis armas que o humor e o espírito antroidesco.