"ALICIA WANTS TO" DE BENGALA

Venres 10 de abril / 20:30 h/ Auditorio CCC Arteixo Manuel Murguía
Alicia wants to de Bengala
Teatro– Público adulto (+ 12 anos)
Duración: 55 minutos – Con entrada: 4 € e 3 €

Alicia Wants To é unha mistura de realismo máxico e crueza social que nos conta a historia de Alicia, unha adolescente que sufre problemas coas drogas e unha posible situación de abuso. O espectáculo comeza no momento no que Alicia é expulsada dun centro de menores e se reencontra con Juana, súa nai. Ambas son mulleres da marxe, da fronteira, do borde, que tratan de sobrevivir nunha sociedade atravesada pola exclusión social, os abusos, a pobreza e un sistema xudicial que non protexe a todos/as por igual. Esta historia está contada e construída a través dunha partida de xadrez na que o público é parte activa, elixindo algunha das decisións que ten que tomar Alicia e polo tanto decidindo como continúa o espectáculo.
A dramaturxia está inspirada libremente en referencias como Alicia no país das marabillas e na película Mommy de Xavier Dolan.
Autoría e dirección: An González
Elenco artístico: Andrea Maseda, Estrella Tomé, Estela del Río e Alexia Villar