A PARÁBOLA DO ANGAZO

A parábola do Angazo de Producións Teatrais Talía
Teatro/Comedia
Público adulto / Con entrada: 3 e 2,25 €
Venres 26 de setembro ás 20:30h
Duración: 70 min
Dirección: Diego Rey

Elenco: Artur Trillo e Toño Casais.

No mundo hai linguas de todo tipo e tamaño. Unhas máis falangueiras, outras máis longas, algunhas tan enormes que enchen a boca, outras tan morniñas que non dan dito nada, e algunhas tan afiadas que mesmo parece que aguilloan ao falar.
E entre todas elas está a nosa, a galega. Con ‘A parábola do angazo’ queremos sacar a lingua a pacer. Imos botar unha ollada ao noso pasado, para poder ter outra perspectiva do noso presente e mesmo mirar de esguello ao que haberá no futuro. Así, rindo a eito, poderemos tirar da nosa lingua para sacala ben fóra e demostrar que aínda ten moito que dicir.