Venres 28 de xuño / 20:30 h / Capela do Balneario
Presentación do libro “O arrecendo das noites de vísperas” de Pablo Mariño
Todos os públicos
Duración: 60 minutos – Con invitación
A finais do 2020, Pablo Mariño publicaba “Nocturnia 46” un poemario dun activista social que expoñía ante o mundo o seu tránsito da adolescencia á madurez e á paternidade.
Tres anos despois, neste “O arrecendo das noites de vísperas”, Pablo amósanos tres partes importantes na súa evolución vital: persoas que transitaron ou transitan aínda polo seu camiño (Xentes da Eira), o inevitable e influente paso do tempo (O Tempo) e pequenas historias vividas ou inventadas nunha narrativa impulsiva e curtiña (Lerias sen Verso).
Así mesmo, sorpréndenos cunhas trazadas rápidas na parte final da obra, como bolas extra dunha partida que non podes deixar de xogar, de ler, de desfrutar.
Participarán o autor Pablo Mariño e o editor Francisco Lafuente “Franki”. A presentación contará con acompañamento musical de amizades do autor.
Deja una respuesta